"Рома" зўр дарвозабонни текинга олади

"Бенфика"нинг иқтидорли дарвозабони Миле Свилар фаолиятини Италия А Сериясида давом эттириши мумкин. Бу ҳақда журналист Жанлука Ди Марцио хабар бермоқда.

Манбага кўра, лиссабонликлар билан амалдаги шартномаси мавсум сўнгида тугайдиган 22 ёшли посбон "Рома" билан яна “4+1” кўринишида шартнома имзолайди.

Сербиялик дарвозабон "бўрилар"нинг асосий посбони Руи Патрисионинг ўринбосарига айланади. Жамоанинг амалдаги иккинчи дарвозабони Даниэль Фузато эса клубни тарк этади.

Таъкидлаш керакки, Миле Свиларга “Рома”дан ташқари “Реал Сосьедад”дан ҳам таклиф бор эди, бироқ у Римни танлашга қарор қилди.

Жорий мавсумда Свилар "Бенфика Б" сафида барча мусобақаларда 13 та ўйин ўтказиб, ўз дарвозасидан 17 та гол ўтказиб юборди ва 4 та ўйинда ўз дарвозаси даҳлсизлигини сақлаб қолди.