“Рома”да янги юлдуз порлай бошлади
Қишки трансфер ойнаси дарида “Марсель”дан Италиянинг “Рома” жамоасига ўтган 19 ёшли Робиньо Ваз А Серияда ўз сўзини айта бошлади.
“Лечче”га қарши ўйинда ғалаба голини киритган ҳужумчи аста-секин римликларнинг асосий таркибидан мустаҳкам ўрин эгалламоқда.
Жамоа устози Жан Пьеро Гасперини ёш иқтидорга юқори баҳо берди:
“Унга тикилган катта сармоя бироз босим ўтказиши табиий, лекин ўзининг тезкорлиги билан у ўйин тақдирини ўзгартира олади”.
Жамоадоши Марио Эрмосо эса Вазнинг мослашув жараёни ҳақида тўхталди:
“Бошқа давлатга кўникиш осон эмас, лекин у ўзини тажрибали футболчилардек тутмоқда. Унда иқтидор етарли”.
Дебют гол ҳақида Ваз шундай деди:
“Бу менинг бу ердаги биринчи голим, жамоага ёрдам беришда давом этишга умид қиламан. Қийин дамларда ҳам тўхтамаслик ва янада кучлироқ бўлишимиз керак”.
Ҳозирда “Рома” Чемпионлар лигасига йўлланма олиш учун курашмоқда ва Вазнинг сермаҳсул ўйини жамоа учун жуда муҳим ҳисобланади.
Фикрлар