Роналду Ўзбекистонга қарши ўйиндан кейин "Мен қайтдим" деб нима учун бақирганини тушунтирди

Португалия терма жамоаси ҳужумчиси Криштиану Роналду "Жаҳон чемпионати–2026"нинг К гуруҳи 2-турида Ўзбекистон миллий жамоасига қарши учрашувда (5:0) иккита гол урди ва ўйин якунланганидан сўнг айтган гапларига изоҳ берди. У финал свистокдан кейин мухлисларга қарата: "Мен қайтдим", — деган эди.

"Одамлар унутмаслиги учун", — дея Роналдунинг сўзларини ижтимоий тармоқ Xда журналист Фабрицио Романо келтиради.

Икки турдан сўнг Португалия терма жамоаси тўрт очко жамғариб, "К" гуруҳи турнир жадвалида пешқадамлик қилмоқда. Ўзбекистон миллий жамоаси эса ҳали очко ололмаган ва тўртинчи ўринни эгаллаб турибди.

3-тур доирасида Португалия 28 июнь куни Колумбияга қарши майдонга тушади. Ўзбекистон терма жамоаси эса шу куни Конго ДР жамоасига қарши баҳс олиб боради.