Роналду 2018 йилда ўз инстаграмидаги рекламалар орқали Мессидан кўпроқ даромад кўрган

Buzz Bingo компанияси машҳур спортчилар ўзларининг инстаграмдаги саҳифалари орқали қанча даромад топаётгани борасида тадқиқот ўтказди.

Таъкидлаш керакки, сўнгги йилларда бу борада "Ювентус" Криштиану Роналду қолганларни анча ортда қолдириб келмоқда. У ўз саҳифасига йилига 49 та реклама постини жойлаштириб жами 44,1 миллиона евро даромад кўрган. Унинг ҳар бир пости 900 минг евро туради.

Бу борада иккинчи ўрин "Барселона" форварди Лионель Мессига тегишли. Аргентиналик футбол юдузиниг саҳифасида битта пост қолдириш 590 минг евро туради. Шу боис у ўтган йил 36 та реклама жойлаштириб, жами 21,2 миллион евро ишлаб топган.

Бу борадаги кучли учликни яқин ўтмишнинг машҳур футболчиларидан бири Дэвид Бекхэм эгаллади. У ўтган 2018 йилда инстаграмидаги рекламалардан 10 млн еврога яқин фойда кўрган.