Роналду АПЛнинг илк турида ўйнайдими?

“Манчестер Юнайтед” ҳужумчиси Криштиану Роналду эртага бўлиб ўтадиган Англия Премьер лигасининг янги мавсум 1-туридан ўрин олган “Брайтон”га қарши ўйинда иштирок этишга тайёр.

Журналист Стив Бейтснинг ижтимоий тармоқларда ёзишича, португалиялик футболчи “қизил иблислар” бош мураббийи Эрик тен Хаг билан гаплашган ва голландиялик мутахассисга эртанги учрашувда майдонга тушишга тайёр эканлигини маълум қилган.

Эслатиб ўтамиз, Роналду "Манчестер Юнайтед"нинг мавсумолди ўртоқлик учрашувларини ўтказиб юборганди. Ижтимоий тармоқларда португалиялик  форвард Чемпионлар лигасида ўйнашни хоҳлаётгани учун ҳамон жамоани тарк этмоқчи эканлиги ҳақида хабарлар тарқалган эди.

Маълумот ўрнида, охирги мавсумда Роналду Англия Премьер лигасида 18 та гол урган.

Фикрлар

Фикр қолдириш учун авторизациядан ўтинг!