Роналду билан ўйнамаймиз!

“Манчестер Юнайтед” футболчилари 37 ёшли ҳужумчи Криштиану Роналдунинг жамоадан кетишини истаяпти.

ESPN нашрининг маълум қилишича, манчестерлик ўйинчилар Роналдунинг жамоадан кетиш ҳақидаги фикрини хурсандчилик билан қабул қилган. Кўпчилик португалиялик тўпурар жамоадаги ички муҳитда салбий таъсир қилаётганини таъкидламоқда.

Роналдунинг агенти Жорже мендеш анчадан бери унга Чемпионлар лигасида қатнашадиган жамоа қидирмоқда.

Бу мутахассис “Челси”га икки маротаба мурожаат қилиб, Томас Тухелдан рад жавобини олди. “Бавария”, “Атлетико”, “Боруссия Д” каби клублар ҳам Роналдуни ўз сафига қўшиб олишга кўнмади.

Айни пайтда Мендеш “Наполи” билан музокара олиб бормоқда.