Роналду бу ҳимоячиларни қўрқувдан қалтиратарди!

“Марсель” клубининг собиқ ҳимоячиси Базиль Боли жамоасиз юрган Криштиану Роналдунинг Франция чемпионатига келиши мумкинлиги ҳақидаги хабарларга муносабат билдирди.

Унинг фикрича, 37 ёшли ҳужумчи Франция чемпионатига келса, ўзининг нималарга қодирлигини яна бир карра исботлай олади.

- Ўйлашимча, Криштиану Роналду Лига 1 ҳимояиларини қўрқувдан қалтиратган бўларди, - деди Боли.

Криштиану Роналду Қатардаги жаҳон чемпионатида иштирок этаётган паллада “Манчестер Юнайтед” у билан амалдаги шартномани бекор қилди. Айни пайтда футболчининг агенти Жорже Мендеш ўз мижозига муносиб жамоа қидирмоқда.