Роналду чиндан ҳам "Спортинг"га қайтадими? Унинг агенти ҳақиқатни айтди
"Ювентус" ҳужумчиси Криштиану Роналдунинг агенти Жорже Мендеш мижозининг ёзда "Спортинг"га қайтиши ҳақида тарқалган миш-мишларга ўз муносабатини билдирди.
"Криштиану "Спортинг"нинг чемпионликни қўлга киритганидан фахрланади. Бу уни очиқчасига айтди. Бироқ унинг фаолиятидаги ҳозирги режалари Португалия билан боғлиқ эмас", - деди Мендеш.
Бундан аввалроқ 36 ёшли португалиялик футболчининг онаси Долореш Авейру уни “Спортинг”га қайтаришга уруниб кўришини айтган эди.
Роналду "Спортинг" клуби тарбияланувчиси ҳисобланади. У 2003 йилгача ушбу клуб шарафини ҳимоя қилган ва шундан сўнг 2003 йилда "Манчестер Юнайтед"га кўчиб ўтган. Португалиялик юлдузнинг "Ювентус" билан амалдаги шартномаси 2022 йилда ўз ниҳоясига етади.
Фикрлар