Роналду фаолиятида ўзгариш кутилмоқда!

“Челси” хўжайини Тодд Бёли клубни қўлга киритганидан бери Криштиану Роналдуни ўз жамоасида кўришни орзу қилмоқда. Аввалги бош мураббий Томас Тухель бу трансферга қаршилик қилгани учун ўз лавозимидан озод этилгани ҳам кўп муҳокама қилинаётган масалалардан.

The Telegraph нашрининг ёзишича, Тодд бёли ўз орзуини амалга ошириш учун январь ойида Криштиану Роналдуни трансфер қилишни сўраб, “Манчестер Юнайтед”га мурожаат қилмоқчи.

Сўнгги маълумотларга қараганда, манчестерликлар бош мураббийи Эрик тен Хаг 37 ёшли ҳужумчи билан хайрлашишга тайёр. Клуб мутасаддилари ҳам Роналдунинг кетишига қарши эмас.

Демак, гап португалиялик юлдузнинг ўзида қолди. Агар Криштиану “аристократлар” сафига қўшиш истагини билдирса, бу трансфер амалга ошади.

Роналду жорий мавсумда барча турнирларда саккиз маротаба майдонга тушиб, жами 378 дақиқа ўйнади ва ўз ҳисобига битта гол ёздириб қўйди.

Фикрлар

Фикр қолдириш учун авторизациядан ўтинг!