Роналду фаолиятини қаерда давом эттириши ҳал бўлди

Португалия терма жамоасининг жаҳон футболида энг кўп гол урган  ҳужумчиси Криштиану Роналдунинг келажаги ҳақида турли хабарлар тарқатилаётган эди.

Sportitalia нашрининг маълум қилишича, 40 ёшли тўпурар келажаги бўйича бир қарорга келиб бўлган. Шартномаси 30 июнь куни якунланадиган юлдуз “Ан-Наср” билан ҳамкорлигини яна икки йилга узайтиради.

Европада “Спортинг”, “Реал”, “Ювентус” ва икки марта “Манчестер Юнайтед”да ўйнаган Роналду 2023 йилнинг бошида Саудия Арабистонига келган эди. Шундан бери у “АН-Наср” сафида 98 та учрашувда иштирок этиб, ўз ҳисобига 88 та гол ва 19 та ассист ёздириб қўйди.

Роналдунинг расмий учрашувлардаги голлари сони 931 тани ташкил қилмоқда. Машҳур тўпурарни ФИФА томонидан ўтказилаётган янги форматдаги жаҳон чемпионатида иштирок этадиган жамоалар қисқа фурсатга ўз сафига қўшиб олишни режалаштираётган эди.