Роналду "Инстаграм"да "Ал-Насср" легионерларининг обуначисига айланди. Аммо улар орасида Машарипов йўқ

Португалиялик футболчи Криштиану Роналду кеча "Ал-Насср" футболчиси сифатида тақдимот маросимида иштирок этди. Маросим чоғида у клуб футболчилари билан кўришиб чиқди ва бирга машғулот ўтказди. 

Қизиқ томони, Роналду "Инстаграм"даги саҳифаси орқали жамоа легионерларига обуна бўлган. Улар сафида Андерсон Талиска, Давид Оспина ва Альваро Гонсалес каби футболчилар мавжуд. Аммо рўйхатдан ҳали ҳамюртимиз Жалолиддин Машарипов ўрин олмаган. 

Маълумот ўрнида, саудияликлар сафида тўп тепадиган легионеримиз айнан Роналдуга ўзининг 7-рақамини бўшатиб берганди. Энди футболчимиз клубда 77-рақам остида тўп тепади.