Роналду клубсиз қолиши билан бир неча рекорд ўрнатди

Қатардаги жаҳон чемпионатига “Манчестер Юнайтед” ҳужумчиси сифатида келган Криштиану Роналду клуб билан ҳамкорлигини тўхтатди.

Португалиялик юлдузнинг шов-шувли интервьюсидан кейин манчестерликлар унинг шартномасини бекор қилди.

Қизиғи шундаки, жамоасиз қолган 37 ёшли футболчи антиқа рекордлар соҳибига айланди. Биринчи навбатда, Криштиану Роналду жаҳон чемпионатидаги ягона жамоасиз футболчи ҳисобланади.

Шунингдек, шартнома бекор қилиниши билан Роналду эркин агентга айланди. Унинг трансфер нархи 20 миллион еврога баҳоланмоқда. Шу билан бирга португалиялик юлдуз эркин агент мақомидаги энг қиммат футболчи бўлди.