Роналду Мессидан қўрқди

"Манчестер Юнайтед" ҳужумчиси Криштиану Роналду Лионель Месси Чемпионлар лигаси тарихидаги энг яхши тўпурарига айланиши мумкинлигидан хавотирда, деб хабар беради Испаниянинг “Sport” нашри.

Манбанинг қўшимча қилишича, Роналду айнан шу сабаб "Юнайтед"ни тарк этишга қарор қилган.

Янги мавсумда Эрик тен Хаг шогирдлари Европа лигасида, Месси бошчилигидаги ПСЖ эса Чемпионлар лигасида иштирок этади.

Айни мусобақанинг энг яхши тўпурари унвонини Роналду 140 та гол билан бошқариб турибди. Месси ҳисобида эса 125 та гол бор. Португалиялик ва аргентиналик голеадорларнинг энг яқин таъқибчилари “Барселона”нинг янги аъзоси Роберт Левандовски ва "Реал" Мадрид форварди Карим Бензема ҳисобланади (иккаласи ҳам 86 та гол).