Роналду МЮ раҳбарияти қароридан ниҳоятда норози

Португалиялик ҳужумчи Криштиану Роналду "Манчестер Юнайтед" раҳбариятидан норози бўлмоқда.

"Daily Mail"хабарига кўра, "қизил иблислар" 37 ёшли футболчининг маошини камайтиришга қарор қилган.

Қайд этилишича, португалияликнинг маоши 25 фоизга камайтирилган. Бу қарорга жамоанинг ўтган мавсум якунлари бўйича Чемпионлар лигасига чиқа олмагани сабаб бўлди. Эслатиб ўтамиз, МЮ Англия Премьер лигасини олтинчи ўринда якунлади ва Европа Лигаси йўлланмасини қўлга киритди.

Манбанинг хабар беришича, Роналду клуб қароридан ниҳоятда норози. У 2021/2022 йилги мавсумда қўлидан келган барча ишни қилди, деб ҳисоблайди.

2021/2022-йилги Премьер лига мавсумида Криштиану Роналду 30 ўйинда майдонга тушиб, ўз ҳисобига 18 та гол  ва 3 та голли узатма муаллифига айланган эди.