Роналду нега захирада қолдирилди? Тен Хаг жавоб берди

"Манчестер Юнайтед" бош мураббийи Эрик тен Хаг "Манчестер Сити"га қарши (3:6) учрашувида ҳужумчи Криштиану Роналдуни нега майдонга тушурмагани ҳақида гапирди. 

“Мен буни Криштиануга, унинг буюк карьерасига бўлган ҳурматим учун қилдим. Роналду бундай йирик ҳисобдаги мағлубиятга лойиқ эмас.  Шу боис, мен Марсьялни тушурдим, чунки унга ҳам ўйин амалиёти керак эди.

Ҳаммаси жуда оддий: биз ўзимизга ишонмадик. Агар ишонч бўлмаса, ғалаба қозона олмайсиз. Режани амалга оширишда бизда интизом етишмади ва жазоландик.

Биз мухлисларимизни ҳам, ўзимизни ҳам тушкунликка тушурдик”, - дея унинг сўзларини келтиради ББC нашри.

Эслатиб ўтамиз, Роналду мавсумда илк бор бутун учрашувни захирада ўтказди.