Роналду нега захирадан майдонга тушмоқда?

Криштиану Роналду 2022/2023 йилги мавсумда бор-йўғи тўрт марта "Манчестер Юнайтед"нинг асосий таркибида майдонга тушди. Жамоа бош мураббийи Эрик тен Хаг буни Роналдунинг мавсумолди машғулотларининг асосий қисмини ўтказиб юборгани билан боғлайди.

“Роналду формасига қайтаётганидан хурсандман. Ишончим комилки, у жамоа ўйинига катта ҳисса қўшади. Криштианунинг ҳолатидан кўриш мумкинки, ҳар қандай футболчи мавсумолди йиғинларни ўтказиб юборса, кейинчалик қийналиши аниқ", деди Тен Хаг.

13 октябрь, пайшанба куни “Манчестер Юнайтед” Европа лигаси доирасида “Омония”га қарши баҳсни асосий таркибда бошлаган эди.