Роналду: Нишонга 18 қадам қолди
Тарихий натижа яқинлашяпти
Криштиану Роналду профессионал фаолиятида 1000 та гол уриш каби тарихий кўрсаткичга тобора яқинлашиб бормоқда. Жума куни «Ан-Наср» форварди Саудия Арабистони чемпионати доирасида «Ал-Файсали»га қарши ўйинда яна бир бор рақиб дарвозасини ишғол этди.
Ушбу голдан сўнг португалиялик юлдузнинг шахсий ҳисобида жами 982 та гол тўпланди. Демак, Криштиану юбилей — 1000-гол чўққисига етиши учун яна 18 марта гол уриши керак бўлади.
Ҳозирча Криштиану Роналду футбол тарихида энг кўп гол урган ўйинчи сифатида пешқадамликни сақлаб турибди. Ундан кейинги ўринда 936 та гол билан Лионель Месси қайд этилган. Аргентиналик ҳужумчи ҳам 1000 та гол маррасига етиб бориш имкониятига эга, дея баҳоланмоқда.
Роналдунинг «Ан-Наср» клуби билан амалдаги шартномаси 2026/2027 йилги мавсум якунигача мўлжалланган.
Изоҳлар (0)