Роналду Ўзбекистонга қарши ўйинда ўзига хос рекорд ўрнатди

Португалия терма жамоаси сардори Криштиану Роналду "Жаҳон чемпионати–2026" доирасида Ўзбекистонга қарши ўйиндан сўнг яна бир тарихий ютуқка эришди.

Эслатиб ўтамиз, Португалия ушбу баҳсда вакилларимизга ҳеч қандай имконият қолдирмай, 5:0 ҳисобида йирик ғалабага эришди. Роналду учрашувда икки бор аниқ нишонни топиб, 6 ва 39-дақиқаларда гол урди.

Статистик маълумотлар билан шуғулланувчи Opta порталига кўра, 41 ёшли ҳужумчи тарихда илк бор Европадан чиққан футболчи сифатида 11 та йирик халқаро турнир — жаҳон ва Европа чемпионатларида гол урган ўйинчига айланди.

Бу кўрсаткич бўйича Роналду рақибларини анча ортда қолдирмоқда. Иккинчи ўринни Германия терма жамоасининг собиқ ҳужумчилари Юрген Клинсманн ва Мирослав Клозе, шунингдек, Швейцария терма жамоаси аъзоси Жердан Шакири бўлишиб турибди. Уларнинг ҳар бири жаҳон ва Европа чемпионатларининг олти хил турнирда гол урган.