Роналду ўғлининг вафот этганини эълон қилди

"Манчестер Юнайтед" клуби ва Португалия терма жамоаси ҳужумчиси Криштиану Роналду янги туғилган ўғли вафот этганини маълум қилди.

"Чуқур қайғу билан чақалоғимиз вафот этганини эълон қилишимиз керак. Фақатгина қизимизнинг туғилиши бизга бу ҳолатни енгиб ўтишга куч беради. Шифокорлар ва ҳамшираларга ёрдамлари учун миннатдорчилик билдирамиз. Бундай қийин вазиятда махфийликни сақлашни сўраймиз. Болам, сен бизнинг фариштамизсан. Биз сени абадий севамиз”, - деб ёзди Роналду ўз твиттер саҳифасида.

Эслатиб ўтамиз, Роналдунинг суррогат оналардан учта фарзанди бор - кичик Криштиану, Эва ва Матео. Шунингдек, унинг севгилиси Жоржина Родригесдан қизи Алана Мартина дунёга келган. Айни дамда Родригес эгизак фарзандлар кутаётган эди, лекин ҳозирча фақат қиз тирик қолди.