Роналду ўтмоқчи бўлган суперклуб ундан юз ўгирди

“Манчестер Юнайтед”дан кетиши кутилаётган Криштиану Роналду “Бавария”га ўтмоқчи экани ва агенти  Жорже Мендеш ҳамроҳлигида мюнхенликлар билан учрашгани ҳақида хабар тарқатилганди.

Бундеслига чемпиони Роналду масаласига муносабат билдирди.

Sky Germany нашрининг маълум қилишича, “Бавария” мутасаддилари португалиялик футболчи билан музокара ўтказилганини кескин рад этди.

Манбанинг таъкидлашича, “Бавария”га Роналдунинг ёши тўғри келмайди ва клуб трансфер бозорида бошқа мақсадларни кўзламоқда.

Айни пайтда Криштиану Роналду “Манчестер Юнайтед” билан юзага келган зиддият туфайли январгача шартномасини бекор қилмоқчи экани ҳақида ҳам маълумотлар кўпайиб бормоқда.