Роналду ўйин тугамай кетиб қолди

“Манчестер Юнайтед” ўз майдонида Испаниянинг “Райо Вальекано” жамоасига қарши ўртоқлик учрашувини ўтказди. Баҳс 1:1 ҳисобида якунланди.

Ушбубеллашувда ҳамманинг эътибори Криштиану Роналдуда бўлди. Жамоадан кетиши айтилган ва манчестерликларнинг мавсумолди йиғинлари ҳамда бир неча ўртоқлик ўйинларида қатнашмаган португалиялик ҳужумчи илк бор майдонга тушди.

Беллашувнинг илк дақиқаларидан тўп тепган Роналду ўзини кўрсата олгани йўқ. Эрик тен Хаг уни танаффусда захирага олди.

Криштиану Роналду ушбу баҳс якунланмай туриб, “Олд Траффорд”дан кетиб қолгани кўпчиликни ҳайрон қолдирди. Роналду ёки клуб бу вазият бўйича баёнот бергани йўқ.