Роналду ўзига мураббий олиб келади

“Ан-Наср” бош мураббий Руди Гарсияни истеъфога чиқарганидан кейин жамоани бошқаришга Зинедин Зиданни олиб келмоқчи.

Таниқли инсайдер Жеймс Бенгенинг таъкидлашича, “Реал”дан кетганидан бери ишсиз юрган Зинедин Зиданни жамоани қабул қилиб олишга кўндиришда Криштиану Роналду алоҳида ташаббус кўрсатмоқда.

Манбага кўра, португалиялик юлдуз Зиданни Саудия Арабистонига кўчириб олиб келиш бўйича музокараларда қатнашяпти.

“Ан-Наср”ни бошқаришга яна бир номзод сифатида “Рома” устози Жозе Моуриньо тилга олиняпти.

Аввалроқ, Криштиану Роналду ва Руди Гарсия ўртасида зиддият юзага келгани ва португалиялик юлдуз бош мураббийнинг ўйин услубидан кескин норози экани айтилганди.