Роналду: Португалия — ЖЧ-2022 мусобақасидаги энг яхши жамоа

Португалия терма жамоаси етакчиси Криштиану Роналду жамоасининг Қатардаги жаҳон чемпионатидаги амбициялари ҳақида гапирди.

“Менимча, Португалия бу жаҳон чемпионатидаги энг яхши жамоа. Лекин биз буни майдонда ҳам исботлашимиз керак”, - дея ҳужумчининг сўзларини келтиради "The Guardian" нашри.

Криштианунинг фикрича, Фернандо Сантуш жамоасида ажойиб футболчилар йиғилган. Шу боис, ҳеч нарса, ҳатто яқинда Роналду берган шов-шувли интервью ҳам уларнинг кайфиятига таъсир ўтказмайди.

Португалия терма жамоалари гуруҳ босқичида Гана, Уругвай ва Жанубий Корея терма жамоалари билан куч синашади. Африка қитъаси вакилига қарши биринчи ўйин 24 ноябрь куни бўлиб ўтади.