“Роналду қоидаси” деган нарса пайдо бўлди

“Манчестер Юнайтед” раҳбарияти клуб ўйинчилари учун маошларни чекловчи янги қоидани жорий қилди.

“Роналду қоидаси” номини олган бу тартиб футболчиларнинг ҳафталик маошини 200 минг фунтдан ошмаслигини таъминлайди.

Daily Mail нашрининг таъкидлашича, бу тартиб биринчи бўлиб дарвозабон Давид де Хеага қўлланилади. Унинг ҳозирги маоши етти кун учун 425 минг еврони ташкил қилмоқда.

“Роналду қоидаси”нинг моҳияти футболчиларнинг аксариятига бир хил даражада маош тўлашдан ва бундан кейин Криштиану каби юлдузларга қолганлардан анча кўп маблағ тўламасликни таъминлашдан иборат.