Роналду “Реал”даги собиқ жамоадошини “Манчестер Юнайтед”да кўрмоқчи
Мадриднинг "Реал" клубида ўйин амалиётисиз қолаётган ярим ҳимоячи Марко Асенсио фаолиятини Англия Премьер-лигасида давом эттириши мумкин.
“Todofichajes” нашри хабарига кўра, "Манчестер Юнайтед" футболчини ўз сафига қўшиб олишга харакат қилмоқда. Агент Хорхе Мендеш "қизил иблислар" раҳбарияти билан Асенсио трансфери бўйича бир нечта учрашувлар ўтказган.
Манбада таъкидланишича, "Юнайтед" ҳужумчиси Криштиану Роналду "Реал"даги собиқ жамоадошини "Олд Траффорд" эгалари сафига ўтишини истамоқда.
26 ёшли ярим ҳимоячининг трансфер нархи 40 миллион еврони ташкил этади. Унинг "Реал" билан шартномаси 2023 йилнинг ёзига қадар амал қилади.
Фикрлар