Роналду “Реал”нинг асосий “душмани” “Барселона”га ўтиши мумкин

Криштиану Роналдунинг агенти Хорхе Мендеш ўз мижози хизматларини "Барселона"га таклиф қилди.

Жорий трансфер ойнасида ҳужумчи фаолиятини қаерда давом эттириши ҳақида кўплаб миш-мишлар тарқалмоқда. Испания ОАВнинг ёзишича, футболчига янги харидорлардан бири "Барселона" бўлиши мумкин. Португалияликнинг агенти кутилмаганда "Барселона"га футболчини сотиб олишни таклиф қилди.

Роналду ўтган мавсум бошида "Юнайтед" билан шартнома имзолаган эди. Аммо кейин форвард “қизил иблислар” раҳбариятига жамоани ўзгартириш истагини айтд, чунки “Олд Траффорд” эгалари Чемпионлар лигасига йўлланма қўлга кирита олмади. Футболчи эса фаолиятининг сўнгги йилларини Европа клубларининг иккинчи даражали мусобақасида ўтказишни истамаяпти.  

Якунланган мавсум Криштиану АПЛ доирасидаги 30 та ўйинда майдонга тушиб, ўз ҳисобига 18 та гол ва 3 та голли узатма ёздириб қўйди.