Ronaldu rekordi barbod bo‘lishidan xavotirda

Chempionlar ligasi yarim final javob uchrashuvida Karim Benzema “Manchester Siti” darvozasi tomon belgilangan penaltini aniq bajarib, jamoasining 3:1 hisobidagi g‘alabasini ta’minladi.

“Real”ni finalga olib chiqqan bu gol frantsiyalik hujumchi uchun Chempionlar ligasining bu mavsumidagi 15-gol bo‘ldi.

Karim sobiq jamoadoshi Krishtianu Ronalduning qit’adagi eng nufuzli turnirda o‘rnatgan rekordiga maksimal darajada yaqin keldi.

Ronaldu 2013-2014 yilgi mavsumda Chempionlar ligasida 17 ta gol urgan va bu rekord ko‘rsatkich hisoblanadi.

Benzema 28 may kuni “Liverpul”ga qarshi bo‘ladigan final o‘yinida ikkita gol ursa, portugaliyalik yulduzning rekordini takrorlaydi.