Роналду Рэшфордни шокка тушириб қўйди

“Манчестер Юнайтед” ҳужумчиси Маркус Рэшфорд тажрибали ҳамкасби Криштиану Роналдунинг ўзига бўлган муносабатидан том маънода шокка тушди.

The Sun нашрининг таъкидлашича, португалиялик юлдуз англиялик футболчи майдонда унинг ўрнини эгаллаганини қабул қилган. Роналду Маркусни нафақат майдонда, балки ундан ташқарида ҳам қўллаб-қувватлай бошлади ва Рэшфорднинг энг зўр ҳужумчига айланишига кўмаклашишга қарор қилди.

Роналду ўзи бошланғич таркибда ўйнамаётганига қарамай, Рэшфордга ёрдам бераётган кўпчиликни ҳайратга солмоқда. Чунки авваллари бу икки ҳужумчининг ўзаро муносабати ҳавас қиларли даражада бўлмаган.

Маркус Рэшфорд ҳам тажрибали тўпурарнинг маслаҳатларига қулоқ тутган ҳолда ўйинини кучайтиришга ҳаракат қиляпти.