Роналду "Саутгемптон" - МЮ учрашувининг энг ёмон футболчиси деб топилди

Англия Премьер лигасининг 4-тури доирасидаги ўйинда "Манчестер Юнайтед" "Саутгемптон" устидан ғалаба қозонди. Учрашув 1:0 ҳисобида якунланди.

“WhoScored” портали ҳужумчи Криштиану Роналдуни манкунианликларнинг энг ёмон футболчиси деб топди. Португалияликлар 6,1 балл олди. Фақатгина Фред Криштиануга нисбатан пастроқ рейтингга лойиқ кўрилди, бироқ бразилиялик футболчи учрашув якунланишига бир неча дақиқа қолганда майдонга тушди.

37 ёшли Роналду эса баҳснинг 68-дақиқасида захирадан ўйинга қўшилди. Бироқ ҳужумчи бу вақт ичида дарвоза томон бирорта ҳам зарба бермади. Шунингдек, у 10 та узатмани амалга оширди ва шундан 5 таси аниқ манзилга етиб борди.

Маълумот ўрнида, кейинги турда “Манчестер Юнайтед” меҳмонда “Лестер” билан ўйнайди.