Роналду собиқ жамоадоши Асенсиони қўллаб-қувватлади(Фото)

"Ювентус" футболчиси Криштиану Роналду собиқ жамоадоши Асенсиони қўллаб қувватлади.

Асенсио "Арсенал"га қарши учрашувда жароҳат олиб, узоқ муддатга сафдан чиққан эди.

"Кекса синьора"нинг 34 ёшли форварди ўзининг "Instagram" саҳифасида "қироллик клуби"да Асенсио билан бирга тушган суръатини жойлади ва шундай изоҳ қолдирди: "Дўстим сенга кўп куч-қувват ва соғлиқ тилайман."

Роналду 2009-2018 йилларни "қаймоқранглилар" таркибида ўтказиб, 438 учрашувда 450 та гол урган ва клуб тарихидаги энг яхши тўпурарга айланган. Ўтган йилнинг ёзида "Ювентус" жамоасига 117 млн евро эвазига трансфер қилинган.

Асенсио "Реал" учун 2016 йилдан буён тўп тепади. Мадридликлар сафида 135 бор майдонга тушган ва 27 та гол ура олган.