Роналду учун 8 миллион евро маошни ҳам кўп деб ҳисоблашди

"Манчестер Юнайтед" ҳужумчиси Криштиану Роналду фаолиятини бошқа клуб сафида давом эттиришни истамоқда.

Футболчининг агенти Жорже Мендеш "Наполи"га 37 ёшли форвардни бир мавсумга ижарага олишни таклиф қилган. Бу ҳақда AS нашри хабар берди. 

Неаполликлар Роналду трансферига қизиқмоқда, аммо молиявий ҳолат бунга тўсиқ бўлиши мумкин. Футболчининг агенти 8 миллион евро маош сўрамоқда. Ўз навбатида "Наполи" бу пулни тўлай олмаслигини маълум қилган. 

Шундай қилиб, Криштианунинг Италия клуби сафига ўтиши имконсиз бўлиб қолмоқда.