Роналду учун ҳал қилувчи давр бошланди

Европа кучли чемпионатлари жамоалари янги мавсумни бошлаш арафасида турган бир паллада “Манчестер Юнайтед” ҳужумчиси Криштиану Роналдунинг келажаги ҳамон мавҳумлигича қолмоқда.

Португалиялик юлдуз ҳали ҳам Лиссабонда ва якка ўзи машғулотларни давом эттирмоқда. Бироқ, жамоавий машғулотларда қатнашмай туриб, ҳеч бир футболчи янги мавсумгатўлиқ тайёрлана олмайди.

- Роналду ҳеч кимдан қочиб юргани йўқ. У кун тартибини ўзгартирмади. Лиссабонда режа асосида тайёрланмоқда.

Криштиану Жорже Мендешдан хабар кутмоқда. Унинг “Манчестер Юнайтед”га қайтиши номаълум. Олдиндаги бир неча кун Роналду учун муҳим аҳамиятга эга.

Чунки янги мавсумни жамоавий машғулотларда қатнашмай туриб, бошлаб бўлмайди, - деди португалиялик таниқли футбол эксперти Педро Сепульведа.