Роналду ва агенти Жорже Мендеш орасида келишмовчилик юз берди

"AS" нашрининг хабар беришича, Криштиану Роналду ва унинг агенти Жорже Мендеш ўртасида кескинлик юзага келган. Бунинг сабаби 37 ёшли футболчининг ҳалигача эркин агент бўлиб тургани ва келажаги ноаниқлигича қолаётгани бўлмоқда.

Португалиялик футболчи ноябрь ойи сўнггида МЮдан кетганди. У январдан бошқа клубда фаолиятини давом эттириши мумкин. Бироқ ҳанузгача ҳеч бир жамоа билан келишувга эришмади. Криштианунинг маоши юқорилиги ва Чемпионлар лигасида қатнашувчи жамоада фаолият юритмоқчи экани бунга таъсир кўрсатмоқда.

Роналдуга фақат Саудия Арабистонининг "Ал-Насср" клуби харидор бўлиб турибди. Риёдликлар футболчига йилига 200 миллион беришга тайёр.

Маълумот учун, "Ал-Насср" таркибидаги ҳамюртимиз Жалолиддин Машарипов машғулотларда 77-рақамда ҳаракат қилмоқда. У олдин 7-рақамда ўйнаган.