Роналду ва Фернандеш орасидан оламушук ўтдими?

Португалия терма жамоаси ярим ҳимоячиси Жоау Мариу жамоадошлари Криштиану Роналду ва Бруно Фернандеш ўртасидаги муносабат ҳақида фикр билдирди.

"Мен ўша пайтда кийиниш хонасида эдим, расмларни кўрдим. Бу улар ўртасидаги ҳазил эди. Қизиғи шундаки, Бруно терма жамоа ҳудудига охирги келганлардан бири бўлгани сабабли Криштиану "Қайиқда келдингми?", - дея сўради.

Мен нима учун бу лаҳзани нотўғри талқин қилишганини тушунаман, лекин бу шунчаки ҳазил, улар жуда яхши муносабатга эга", - деди Мариу.