Роналду ва Мессидан зўр футболчи бор!
Натижалари 27 декабрь куни эълон қилинадиган Global Soccer Awards соврини учун ўтказилаётган сўровномада финал босқичига ўтган футболчилар номи маълум бўлди.
Бу соврин XXI асрнинг энг яхши футболчисини аниқлаш мақсадида таъсис этилган. Энг кучли футболчилар дунё бўйича овоз бериш орқали аниқланади.
Айни пайтда энг кўп овоз тўплаган Криштиану Роналду, Лионель Месси, Муҳаммад Салоҳ ва Роналдиньо сўровнинг финал босқичига ўтди. Бу юлдузлар орасида Муҳаммад Салоҳ етакчилик қилмоқда.
Дунёнинг 230 та мамлакатидан қатнашаётган мухлисларнинг 55 фоизи айнан мисрлик ҳужумчига овоз берган. Кейинги ўринларда Криштиану Роналду (27 фоиз), Лионель Месси (13 фоиз) ва фаолиятини якунлаган Роналдиньо (5 фоиз) бормоқда.
Энг кучли мураббийлар сўровномасида “Манчестер Юнайтед”ни буюк клубга айлантирган сэр Алекс Фергюсон 32 фоиз овоз билан пешқадамлик қиляпти. Кейинги ўринлардаги Хосеп Гвардиола ва Зинедин Зидан 29 фоиздан овоз йиғди.
Фикрлар