Ronalduda Chempionlar ligasida qatnashish varianti paydo bo‘ldi

Angliya premer-ligasida yang mavsum boshlanganiga qaramay, Krishtianu Ronalduda Chempionlar ligasida qatnashish imkoniyati paydo bo‘ldi.

Aslida portugaliyalik futbolchini “Chelsi” xo‘jayini Todd Byoli o‘z jamoasiga olib kelmoqchi edi. Lekin bosh murabbiy Tomas Tuxel bu transferni ma’qullamagandi.

Ma’lumotlarga qaraganda, “Chelsi” Rahim Sterlingni o‘z safiga qo‘shib olganiga qaramay, yana bir hujumchiga ehtiyoj tug‘ilmoqda.

“Aristokratlar” tez orada yana bir hujumchi Timo Verner bilan ham xayrlashmoqchi. Bu yo‘qotishlar o‘rnini to‘ldirish uchun Todd Byoli Ronalduni olib kelishga harakatlarni qayta boshladi.

- Ronaldu transfer oynasi yopilgunicha “Chelsi” bilan muzokaraga kirishishi kutilmoqda. “Manchester Yunayted” uni qo‘yib yuborishi boshqa masala. Lekin Todd Byoli uni olishga jiddiy kirishgan, - deb xabar berdi taniqli jurnalist Saymon Filipps.