Роналдудан ғаройиб рекорд

“Норвич Сити” дарвозасини уч маротаба ишғол қилган Роналдунинг рекордлари сони ортиб бормоқда.

Статистика мутахассисларининг янги ҳисоб-китобларига қараганда, Криштиану Роналду Англия премьер-лигасида бир мавсумда 15 та ва ундан кўп гол урган ёши 36 дан ўтган биринчи футболчи бўлди.

Бир сўз билан айтганда, португалиялик ҳужумчи “қариялар рекорди”ни ўрнатди.

Бунгача, Роналду учун “Норвич Сити” дарвозаси тўридан жой олган тўплар 37 ёшли футболчига фаолиятидаги 60-хет-трик, кетма-кет 16 мавсумдан бери 20 тадан кўп гол, жарима зарбасидан киритилган 58-гол сифатида тарихий натижаларни келтирганди.