Роналдудан зўрини олиб келамиз

“Челси” раҳбарияти ҳужум чизиғини кучайтириш учун Португалиянинг янги юлдузи – Гонсалу Рамушни трансфер қилмоқчи. 

21 ёшли ҳужумчи Қатарда ўтказилган жаҳон чемпионатида Швейцария терма жамоаси дарвозини уч маротаба ишғол қилганидан кейин гранд клублар эътиборига тушди. Айрим мутахассислар бу тўпурарнинг иқтидорини Криштиану Роналдуникидан устун, деб ҳисобламоқда.

“Челси” раҳбарияти кутилган самарадорликни қайд эта олмаётган Пьер-Эмерик Обамеянг ва жароҳат туфайли сафдан чиққан Армандо Бройя ўрнига айнан Рамушни олиб келишни режалаштиряпти.

“Бенфика” билан 2026 йилнинг 30 июнигача давом этадиган шартномага эга форварднинг трансфер суммаси 30 миллион еврога баҳоланмоқда.