Роналдуга ҳайкал қўйишди

Ҳиндистоннинг Гоа штатида “Манчестер Юнайтед” ҳужумчиси Криштиану Роналдуга ҳайкал қўйилди. Бу ҳақда Гоа штати фан ва технологиялар вазири Михаэль Лобо хабар берди.

- Футболга бўлган меҳримиз ва ёшларнинг илтимосига кўра, Гоадаги паркда Криштиану Роналдуга ҳайкал ўрнатдик. Бу ёшларни футболни янги босқичга кўтаришга илҳомлантиради, - деди Михаэь Лобо.

Криштиану Роналду тўпурарлик борасида бир неча рекордлар соҳиби ҳисобланади. 2021 йилда португалиялик юлдуз миллий терма жамоа, Чемпионлар лигаси, расмий учрашувларда кўп гол уриш бўйича қатор рекордларини янгилади.

Роналду жорий мавсумда "Манчестер Юнайтед" таркибида Англия премьер-лигасининг 14 та учрашувида қатнашиб, еттита гол урди ва иккита голли пас оширди.