Ronalduga kutilmagan ligadan da’vogar chiqdi

“Manchester Yunayted” hujumchisi Krishtianu Ronalduga Shotlandiya chempionatidan xaridor chiqdi.

Manbalarning ta’kidlashcha, Glazgo shahrining “Reynjers” jamoasi 37 yoshli to‘purarni ijaraga olish imkoniyatlarini o‘rganmoqda. Bu jamoa asosiy hujumchisi Alfredo Morelosni  tez kunlarda sotib yubormoqchi.

“Reynjers” yangi mavsumda Chempionlar ligasining guruh bosqichida ishtirok etadi. Ular aynan mana shu imkoniyat Ronalduning roziligiga sabab bo‘lishiga ishonmoqda.

“Reynjers” Chempionlar ligasining A guruhida “Ayaks”, “Liverpul” va “Napoli” bilan raqobatlashadi.