Роналдуга танқид тоши отилди

Италия терма жамоасида порлаган собиқ ҳужумчи Антонио Кассано “Ювентус” тўпурари Криштиану Роналдуни кескин танқид қилди.

- Мен доим Роналду феномен эканини айтганман. Балки у миллиардлаб гол ургандир, лекин ҳозир муаммолар гирдобида қолган. У Андреа Пирло “Юве”да қураётган ўйин моҳиятини умуман тушунмаяпти, янги услубга мослашмоқчи эмас.

Роналду ҳар доим худбин бўлган ва шундайлигича қолади. Унга бошқаларнинг қизиғи йўқ, доим ўзи гол уришни истайди. У футбол ичида яшамайди, фақат ўзини ўйлайди. Лекин унинг бу ҳолати бугунги “Ювентус”га тўғри келмайди. Клуб ўзгаряпти, Роналду эса қотиб қолган. Келинг, тан олайлик, ҳамма нарсанинг ўз вақти бор. Роналдунинг даври охирлаб бормоқда, - деди Кассано.

Криштиану Роналду  жорий мавсумда 27 та учрашувда 23 та гол урди ва учта голли пас узатди.