Роналдуга яна бир харидор бор

“Манчестер Юнайтед”нинг 37 ёшли ҳужумчиси Криштиану Роналду клубдан кетмоқчи бўлаётгани ҳақидаги хабарлар ҳали барҳам топгани йўқ.

Айниқса, яқинда португалиялик юлдуз ўз юртида янги уй-жой сотиб олгани ҳақида забар тарқатилганидан кейин бу мавзу яна авч олди.

Роналду профессионал футболчилик фаолиятини бошлаган “Спортинг” 37 ёшли ҳужумчига яна бошпана бериши мумкинлиги айтилмоқда. “Спортинг” бош мураббийи Рубен Аморим клуб Роналду даражасидаги юлдузни таклиф қилишга имконияти йўқлигини таъкидлаганди.

Бироқ, The Mirror нашри лиссабонликлар январда Роналду трансферини сўраб, “Манчестер Юнайтед”га мурожаат қилишини ёзмоқда.