Роналдунинг дўсти футболчи ҳақида муҳим хабарни ошкор қилиб қўйди

Трансфер ойнасининг сўнгги кунларида Криштиану Роналду фаолиятида иккинчи марта "Манчестер Юнайтед"ни тарк этиши мумкин. Португалияликнинг жуда яқин дўсти бўлган испаниялик журналист Эду Агирре форварднинг келажаги ҳақида муҳим хабарни ошкор қилди. Агирре "El Chiringuito" нашрига берган интервьюсида Роналду "Наполи" билан шартнома имзоламасликка қарор қилганини айтди.

Аввалроқ матбуотда Криштиану Роналду неаполликлар клубига ўтишга рози бўлгани ҳақида маълумотлар тарқаган эди.

Эду Агирре тарқатган инсайднинг ҳақиқатлик даражасини билиш мақсадида журналистнинг Роналдунинг уйига тез-тез ташриф буюриши, ҳатто форвард  "Ювентус"да ўйнаган пайтида учрашиб турганини кўрсатиш мумкин.