Роналдунинг келишига ишонмайман!

“Рома” афсонасига айланган Франческо Тотти “Манчестер Юнайтед” ҳужумчиси Криштиану Роналдунинг Римга келиши ҳақидаги хабарларга муносабат билдирди.

Яқинда “Рома”нинг собиқ футболчиси Анжело Ди Ливио 37 1шли португалиялик юлдуз 7 июль куни “бўрилар” сафига қўшилишини таъкидлаган эди.

- Ростини айтсам, бунга умуман ишонмайман, чунки воқеъликдан яхши хабардорман. Агар  ҳақиқатан шундай бўлганида, “Рома” мухлислари жумбушга келарди, - деди Франческо Тотти.

Криштиану Роналду айни пайтда таътилда ҳордиқ чиқаряпти. Бироқ, Европа матбуоти жаҳон футболида энг кўп гол урган футболчини турли жамоаларга ўтиши мумкинлиги ҳақидаги хабарларни жуда кўп тарқатмоқда.