Роналдунинг ўрнини 180 та гол урган “Реал”нинг собиқ юлдузи эгаллаши кутилмоқда
“Манчестер Юнайтед” ҳужумчига эҳтиёж сезмоқда. Аниқроғи, жамоа скаутлари келажакда Криштиану Роналду ўрнини босадиган тўпурарни қидиряпти.
Журналист Фабрицио Романонинг таъкидлашича, айни пайтда “Атлетико”га тегишли бўлган 29 ёшли Альваро Мората Манчестерга келиши мумкин.
Испан ҳужумчиси “Реал” тарбияланувчиси ҳисобланади. Бироқ, Мората кейинчалик “Ювентус”, “Челси” ва “Атлетико” шарафини ҳимоя қилган.
Тажрибали ҳужумчи клублар миқёсида жами 494 та учрашувда қатнашиб, ўз ҳисобига 180 та гол ва 73 та ассист расмийлаштирган. Унинг трансфери 25 миллион еврога баҳоланмоқда.
Фикрлар