Роналдунинг овози чиқмай қолди-ку!

 “Манчестер Юнайтед” ва Англия терма жамоасининг собиқ футболчиси Гари Невилл Англия премьер-лигасининг 15-турида жамоани сардор сифатида майдонга бошлаб тушган Криштиану Роналдуни танқид қилди.

Бу баҳсда манчестерликлар “Астон Вилла”га 1:3 ҳисобида имкониятни бой бериб қўйганди.

- Роналду “Манчестер Юнайтед”га сардорлик қилди ва жамоа ютқазди. Унинг вазифаси ўйиндан кейин вазиятни тушунтириш эди. Агар жамоа қозонса, гол урган футболчи ёки таркибдаги энг машҳур юлдуз ўз фикрини айтади.

Агар мағлубият бўлса, дарвозабон, марказий ҳимоячи ёки жамоа сардори ўйинга ўз муносабатини билдириши шарт.

Нега мағлубиятдан кейин Роналдунинг овози ўчиб қолди. Криштиану ўртага чиқиб, ҳеч бўлмаганда “Бу гал йўл қўйган хатоларимизни қаттиқ меҳнат қилиш орқали кейинги учрашувгача тўғрилаймиз”, дейиши керак эди. Олти ойдан бери Роналдунинг овози чиққани йўқ, - деди Гари Невилл.