Россия футбол иттифоқи фахрий президенти Ўзбекистоннинг ЖЧ-2026 плей-оффига чиқишини инкор этмади

Россия футбол иттифоқи (РФС) фахрий президенти Вячеслав Колосков Ўзбекистон терма жамоасининг 2026 йилги жаҳон чемпионатидаги иштироки ҳақида фикр билдирди.

"Ўзбекистон терма жамоасининг ҳали плей-офф босқичига чиқиш имконияти бор. Лекин очиғини айтсам, бу жуда қийин кўринади. Гуруҳ осон эмас, айниқса ДР Конго термаси Португалияга қарши дуранг ўйнаганини инобатга олсак. Албатта, Ўзбекистонга кейинги босқичга чиқишини тилаймиз, бу жуда ажойиб бўларди. Лекин улар барибир тарихий натижа қайд этди — илк бор жаҳон чемпионатига йўлланма олди", — деди Колосков.

Эслатиб ўтамиз, 2026 йилги жаҳон чемпионати 11 июндан 19 июлга қадар АҚШ, Канада ва Мексика ҳудудида ўтказилмоқда. Мусобақада жами 48 та терма жамоа иштирок этяпти. Улар ҳар бири тўрттадан жамоадан иборат 12 та гуруҳга ажратилган. Гуруҳларда биринчи ва иккинчи ўринни эгаллаган жамоалар, шунингдек, учинчи ўринни эгаллаган жамоалар орасидан энг яхши саккизта терма плей-офф босқичига йўл олади.

Ҳозирги пайтда Ўзбекистон терма жамоаси K гуруҳида тўртинчи ўринни эгаллаб турибди.