Россия яқин 2 та Олимпия ўйинларида ўйинларида мадҳия ўрнига "Катюша"дан фойдалана олмайди

Олий спорт арбитраж суди (CAS) Россиянинг «Катюша» қўшиғини Токио ва Пекин Олимпия ўйинларида мамлакат мадҳияси ўрнида фойдаланиши ҳақидаги даъвосини қаноатлантирмади.

CAS тушунтиришича, мадҳиядан фойдаланиш тақиқи Россия билан боғлиқ барча қўшиқларга, шу жумладан, «Катюша»га ҳам тегишлидир. Олимпия ўйинларида россиялик спортчилар қайси мусиқа остида мукофотланиши лозимлиги тўғрисида қарорни Халқаро олимпия қўмитаси чиқаради.

Эслатиб ўтамиз, CASнинг аввалги қарорига кўра, россияликлар 2022 йил 16 декабрга қадар Олимпия ўйинлари ва жаҳон чемпионатларида ўз байроғи ва мадҳияси остида иштирок этишдан маҳрум этилган.