Rossiyada yangi mavsum qachon boshlanishi rasman e’lon qilindi

Rossiya futbol ittifoqi mamlakat premer-ligasining yangi mavsumi qachon start olishini ma’lum qildi.

Unga ko‘ra, RPLda 2020/21 yilgi mavsum 1 avgustda boshlanadi va kelasi yilning 30 iyun kuni yakunlanadi. Transfer oynasi esa barcha musobaqalar uchun 26 iyulda ochiladi.

Eslatib o‘tamiz, Rossiya premer-ligasining joriy mavsumi 22 iyul kuni yakunlanadi. Shundan kelib chiqqan holda aytganda jamoalar deyarli tanaffussiz yangi mavsumni boshlashadi.