Россияга қарши ўйин олдидан Ўзбекистон Футбол Федерациясига босим бўлганми?

Ўзбекистон Футбол Федерацияси Россия терма жамоасига қарши ўртоқлик ўйини ўтказиш борасида Халқаро футбол федерацияси (ФИФА) ёки Осиё футбол конфедерацияси (ОФК) томонидан ҳеч қандай босимга дуч келмади. Бу ҳақда “Спорт-Экспресс” нашри хабар берди.

"Йўқ, ФИФА ва ОФК томонидан ҳеч қандай босим бўлмаган. Ўйин 33 500 томошабинга мўлжалланган "Пахтакор" стадионида бўлиб ўтади. Беллашув куни стадион тўлиши кутилмоқда", - деб маълумот берган Ўзбекистон Футбол Федерацияси рус нашрига.

Эслатиб ўтамиз, ноябрь ойида Ўзбекистон терма жамоаси иккита ўртоқлик учрашуви ўтказади. 16 ноябрь куни Қозоғистон билан, 20 ноябрь куни эса Россия билан ўйнайди. Ҳар икки беллашув ҳам Тошкентда бўлиб ўтади.